ഗാങ്ടോക്: സിക്കിമില് കനത്ത മഴയും മണ്ണിടിച്ചിലും. മണ്ണിടിച്ചിലില് ആയിരത്തിലധികം വിനോദസഞ്ചാരികള് കുടുങ്ങിയതായി റിപ്പോർട്ടുകൾ പുറത്തു വരുന്നു. വടക്കന് സിക്കിമിലാണ് മണ്ണിടിച്ചിലുണ്ടായത്. മണ്ണിടിച്ചിലിനെ തുടര്ന്ന് ആയിരത്തോളം വിനോദസഞ്ചാരികള് പ്രദേശത്ത് കുടുങ്ങിക്കിടക്കുകയാണെന്ന് പൊലീസ് വ്യക്തമാക്കി.
ചുങ്താങ്ങില് ഇരുന്നൂറോളം ടൂറിസ്റ്റ് വാഹനങ്ങള് കുടുങ്ങിക്കിടക്കുകയാണ്. സിക്കിമിന്റെ തലസ്ഥാന നഗരമായ ഗാങ്ടോക്കില് നിന്ന് ഏകദേശം 100 കിലോമീറ്റര് അകലെയാണ് ചുങ്താങ്. യാത്രക്കാര് അവിടെയുളള ഒരു ഗുരുദ്വാരയില് താമസിക്കുന്നുണ്ടെന്നും പൊലീസ് അറിയിച്ചു.മണ്ണിടിച്ചിലിനെ തുടര്ന്ന് വെളളം കയറി റോഡുകൾ തകർന്നു. വാഹനങ്ങള് മണ്ണിനടിയില് കിടക്കുന്ന ദൃശ്യങ്ങളും പുറത്തുവന്നിട്ടുണ്ട്.
