തിരുവനന്തപുരം: കേരളത്തില് ഉയര്ന്ന താപനില മുന്നറിയിപ്പ് തുടരുന്നു.സംസ്ഥാനത്ത് പലയിടങ്ങളിലും സാധാരണയെക്കാള് 3 ഡിഗ്രി സെല്ഷ്യസ് വരെ താപനില ഉയര്ന്നേക്കാമെന്നാണ് പ്രവചനം. തൃശൂര്, പാലക്കാട് ജില്ലകളില് താപനില 38 ഡിഗ്രി സെല്ഷ്യസ് വരെയായേക്കും. പാലക്കാടാണ് ഇന്നലെ ഉയര്ന്ന താപനിലയായ 38.3 ഡിഗ്രി സെല്ഷ്യസ് രേഖപ്പെടുത്തി.
ഒരു ജില്ലയിലും പ്രത്യേക മഴ മുന്നറിയിപ്പില്ല. ഇതിനൊപ്പം തന്നെ അള്ട്രാവയലറ്റ് രശ്മികളെ സൂക്ഷിക്കണമെന്നും അറിയിപ്പുണ്ട്. തുടര്ച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യ പ്രശ്നങ്ങള്ക്കും കാരണമായേക്കാം.
കൊല്ലം, പത്തനംതിട്ട, കോട്ടയം, എറണാകുളം, കോഴിക്കോട്, കണ്ണൂര്, കാസറഗോഡ് ജില്ലകളില് 37°C വരെ താപനില ഉയരാം. ആലപ്പുഴ, മലപ്പുറം ജില്ലകളില് ഉയര്ന്ന താപനില 36°C ഉയര്ന്ന താപനില റിപ്പോര്ട്ട് ചെയ്യാം. ഈ ജില്ലകളില് യെല്ലോ അലര്ട്ടാണുള്ളത്. ഒറ്റപ്പെട്ടയിടങ്ങളില് വേനല്മഴ കിട്ടിയേക്കും.
