കൊച്ചി: നടന് പൃഥ്വിരാജിന് ആദായ നികുതിവകുപ്പിന്റെ നോട്ടീസ്. കടുവ, ജനഗണമന, ഗോള്ഡ് എന്നീ മൂന്ന് ചിത്രങ്ങളിലെ പ്രതിഫലം സംബന്ധിച്ച് വിവരങ്ങള് നല്കണമെന്നാണ് ആവശ്യപ്പെട്ടിരിക്കുന്നത്. അഭിനേതാവെന്ന നിലയില് പൃഥ്വിരാജ് ഈ ചിത്രങ്ങൾക്ക് പ്രതിഫലം വാങ്ങിയിരുന്നില്ല. എന്നാൽ സഹനിര്മാതാവെന്ന നിലയില് 40 കോടിയോളം രൂപ പൃഥ്വിരാജ് സ്വന്തമാക്കിയെന്നാണ് കണ്ടെത്തല്. നിർമ്മാണകമ്പനിയുടെ പേരിൽ പണം വാങ്ങിയതിൽ വ്യക്തത വരുത്തണമെന്നും സ്വാഭാവിക നടപടിയാണെന്നുമാണ് ആദായ നികുതി വകുപ്പിന്റെ വിശദീകരണം.
മാര്ച്ച് 29 ന് ആദായ നികുതി വകുപ്പ് ഓഫീസില് നിന്ന് പൃഥ്വിരാജിന് അയച്ച നോട്ടീസിൽ വരുന്ന ഏപ്രില് 29-നകം വിശദീകരണം നൽകണമെന്നാണ് നിർദേശം. പൃഥ്വിരാജ് സുകുമാരന് സംവിധാനം ചെയ്ത എമ്പുരാന് വിവാദങ്ങള്ക്ക് പിന്നാലെയാണ് നടന് ആദായ നികുതി വകുപ്പിന്റെ നോട്ടീസ് അയച്ചിരിക്കുന്നത്. എമ്പുരാന് ചിത്രത്തിന്റെ വിതരണക്കാരായ ഗോകുലം മൂവീസ് ഉടമ ഗോകുലം ഗോപാലന്റെ സ്ഥാപനങ്ങളിലും ഇഡി റെയ്ഡ് നടത്തിയിരുന്നു.
