ടെഹ്റാൻ: ഹോർമുസ് കടലിടുക്കിൽ ഉണ്ടായ സംഭവത്തിൽ ഇന്ത്യക്കാരനായ കപ്പൽ ജീവനക്കാരൻ കൊല്ലപ്പെട്ടതായി വിവരം. മരണം ദുബായിലെ ഇന്ത്യൻ കോൺസുലേറ്റ് സ്ഥിരീകരിച്ചു. എക്സിലൂടെയാണ് കോൺസുലേറ്റ് ഔദ്യോഗികമായി വിവരം പുറത്തുവിട്ടത്.
കടലിൽ നടന്ന സംഭവത്തിലാണ് മരണം സംഭവിച്ചതെന്ന് കോൺസുലേറ്റ് അറിയിച്ചു. സംഭവത്തെ അതീവ ദുഃഖകരമാണെന്ന് വിശേഷിപ്പിച്ച അധികൃതർ, മരിച്ച ജീവനക്കാരന്റെ കുടുംബത്തിന് എല്ലാ സഹായവും പിന്തുണയും നൽകുമെന്ന് ഉറപ്പുനൽകി.
കപ്പൽ ഉടമയുമായി കോൺസുലേറ്റ് ബന്ധപ്പെട്ടു കഴിഞ്ഞതായും സംഭവവുമായി ബന്ധപ്പെട്ട കൂടുതൽ വിവരങ്ങൾ ശേഖരിച്ചുവരികയാണെന്നും അറിയിച്ചു. സംഭവത്തെക്കുറിച്ച് വിശദമായ അന്വേഷണം പുരോഗമിക്കുകയാണ്.
