ഡമാസ്കസ്: തീവ്രവാദ ഗ്രൂപ്പായ ഐഎസ്ഐഎസിന്റെ നേതാവ് അബ്ദുള്ള മകി മുസ്ലേ അല്-റിഫായി കൊല്ലപ്പെട്ടു. ഇറാഖിലെയും സിറിയയിലെയും നേതാവാണ് അബു ഖദീജ എന്നറിയപ്പെടുന്ന അബ്ദുളള മകി മുസ്ലേ അല്-റിഫായി. ഇറാഖി പ്രധാനമന്ത്രി മുഹമ്മദ് ഷിയ അല്-സുഡാനിയാണ് വിവരം അറിയിച്ചത്.
ഐഎസ്ഐഎസിന്റെ മുതിര്ന്ന നേതാവെന്ന നിലയില് ആഗാള നേതാവ് പദവിയിലേക്ക് നേരത്തെ പരിഗണിക്കപ്പെട്ടയാളാണ് അബു ഖദീജ. അമേരിക്കയുടെ നേതൃത്വത്തിലുള്ള സഖ്യസേനയുടെ സഹകരണത്തോടെയാണ് ഇറാഖി സുരക്ഷാ സേന ഈ ഓപ്പറേഷന് നടത്തിയതെന്നാണ് വിവരം. ഇറാഖിലെയും ലോകത്തിലെ തന്നെയും ഏറ്റവും അപകടം പിടിച്ച തീവ്രവാദിയാണ് ഇയാളെന്ന് പ്രധാനമന്ത്രി പറഞ്ഞു.
