കൊച്ചി: കളമശ്ശേരിയിൽ മഞ്ഞപ്പിത്ത രോ​ഗ ബാധയുണ്ടായത് കിണർ വെള്ളത്തിൽ നിന്നെന്ന് കണ്ടെത്തി. ​ഗൃഹപ്രവേശനത്തിനെത്തിയ 13 പേർക്കാണ് നിലവിൽ ​രോ​ഗബാധ സ്ഥിരീകരിച്ചിട്ടുള്ളത്. ഇതിൽ രണ്ട് മുതിർന്നവരും ഒരു കുട്ടിയും അതീവ ​ഗുരുതരാവസ്ഥയിൽ ചികിത്സയിലാണ്.

കളമശ്ശേരി നഗരസഭയിലെ 10, 12, 14 വാർഡുകളിലായി മുപ്പത്തിലധികം പേർക്ക് രോഗ ലക്ഷണങ്ങളുണ്ട്. വിഷയത്തിൽ മന്ത്രി പി രാജീവ്, ന​ഗരസഭ ചെയർപേഴ്സൺ എന്നിവരുടെ നേതൃത്വത്തിൽ അടിയന്തര യോഗം വിളിച്ചു. രോഗ വ്യാപനം തടയുന്നതിനായുള്ള പ്രതിരോധ നടപടികളും ആരംഭിച്ചു. രോ​ഗ വ്യാപനമുണ്ടായ സ്ഥലങ്ങളിൽ പ്രത്യേക ക്യാമ്പ് നടത്തുമെന്ന് മന്ത്രി പി രാജീവ് അറിയിച്ചു.