ന്യൂഡൽഹി: സുപ്രീംകോടതിയുടെ 52-മത് ചീഫ് ജസ്റ്റിസായി ജസ്റ്റിസ് ഭൂഷണ് രാമകൃഷ്ണന് ഗവായ് ഇന്ന് ചുമതലയേല്ക്കും. രാവിലെ പത്തിന് രാഷ്ട്രപതി ഭവനിലാണ് സത്യപ്രതിജ്ഞ നടക്കുക. രാഷ്ട്രപതി ദ്രൗപതി മുര്മു സത്യവാചകം ചൊല്ലികൊടുക്കും. നവംബര് 23 വരെ ജസ്റ്റിസ് ബിആര് ഗവായ് ചീഫ് ജസ്റ്റിസ് പദവിയില് തുടരും.
ജസ്റ്റിസ് സഞ്ജീവ് ഖന്ന വിരമിച്ച ഒഴിവിലേക്കാണ് ജസ്റ്റിസ് ബി ആര് ഗവായ് ചുമതലയേല്ക്കുന്നത്. മഹാരാഷ്ട്രയിലെ അമരാവതി സ്വദേശിയാണ് ബിആര് ഗവായ്. 2019 മെയ് മാസത്തിലാണ് ബിആര് ഗവായ് സുപ്രീംകോടതി ജഡ്ജിയായി ചുമതലയേറ്റത്. കേരള ഗവര്ണ്ണര് ആര്എസ് ഗവായിയുടെ മകനാണ് നിയുക്ത ചീഫ് ജസ്റ്റിസ് ബിആര് ഗവായ്.
