കൊച്ചി: മുംബൈ മെട്രോപൊളിറ്റന് മേഖലയിലെ മുന്നിര റിയല്എസ്റ്റേററ് ഡെവലപ്പര്മാരായ കല്പതരു ലിമിറ്റഡിന്റെ പ്രാഥമിക ഓഹരി വില്പന (ഐപിഒ) 2025 ജൂണ് 24 മുതല് 26 വരെ നടക്കും. 1590 കോടി രൂപയുടെ പുതിയ ഇക്വിറ്റി ഓഹരികളാണ് ഐപിഒയില് ഉള്പ്പെടുത്തിയിരിക്കുന്നത്.
10 രൂപ മുഖവിലയുള്ള ഓഹരി ഒന്നിന് 387 രൂപ മുതല് 414 രൂപ വരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. കുറഞ്ഞത് 36 ഇക്വിറ്റി ഓഹരികള്ക്കും തുടര്ന്ന് 36ന്റെ ഗുണിതങ്ങള്ക്കും അപേക്ഷിക്കാം. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. അര്ഹരായ ജീവനക്കാര്ക്കായി മാറ്റിവെച്ചിരിക്കുന്ന ഓരോ ഇക്വിറ്റി ഓഹരിക്കും 38 രൂപ വീതം ഡിസ്ക്കൗണ്ട് പ്രഖ്യാപിച്ചിട്ടുണ്ട്.
ഐസിഐസിഐ സെക്യൂരിറ്റീസ് ലിമിറ്റഡ്, ജെഎം ഫിനാന്ഷ്യല് ലിമിറ്റഡ്, നോമുറ ഫിനാന്ഷ്യല് അഡ്വൈസറി ആന്ഡ് സെക്യൂരിറ്റീസ് (ഇന്ത്യ) പ്രൈവറ്റ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
