കണ്ണൂര്: കണ്ണൂര് ചെറുപുഴയില് മകള്ക്ക് നേരെ പിതാവിന്റെ ക്രൂരത. എട്ടു വയസുകാരിയായ മകളെയാണ് പിതാവ് ക്രൂരമായി മര്ദിക്കുന്നത്. കുട്ടിയുടെ മുടിക്ക് പിടിക്കുകയും നിലത്തേക്ക് വലിച്ചിട്ട് അരിവാളിന് വെട്ടാനോങ്ങുന്നതടക്കമുള്ള ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചു. സംഭവത്തിൽ പിതാവിനെ പോലീസ് കസ്റ്റഡിയിലെടുത്തു. തല്ലരുതെന്ന് കുട്ടി ആവര്ത്തിച്ച് ആവശ്യപ്പെടുന്നതും വീഡിയോയില് കേള്ക്കാം.
എന്നാൽ മാറിത്താമസിക്കുന്ന അമ്മയെ തിരികെ കൊണ്ടുവരാനുള്ള പ്രാങ്ക് വീഡിയോ ആണെന്നാണ് പിതാവിന്റെ വിശദീകരണം. ഇക്കാര്യം പോലീസ് വിശ്വാസത്തിലെടുത്തിട്ടില്ല. വീഡിയോ പ്രാങ്ക് അല്ലെന്നാണ് പ്രദേശത്തുള്ളവരും പറയുന്നത്.
