കൊല്ക്കത്ത: പശ്ചിമ ബംഗാളില് ബിജെപിയുടെ തെരഞ്ഞെടുപ്പ് വാഗ്ദാനമായ സ്ത്രീകളുടെ സൗജന്യ ബസ് യാത്രയ്ക്ക് തുടക്കമായി. സര്ക്കാര് ബസുകളിലാണ് സ്ത്രീകള്ക്ക് യാത്രാ സൗജന്യം അനുവദിച്ചിരിക്കുന്നത്. ഇന്ന് മുതല് സംസ്ഥാനത്തെങ്ങും സ്ത്രീകള്ക്ക് സൗജന്യമായി യാത്ര ചെയ്യാം.
പശ്ചിമ ബംഗാളിലെ എല്ലാ സംസ്ഥാന ബസുകളിലും സ്ത്രീകള്ക്ക് സൗജന്യ യാത്രാസൗകര്യം ഒരുക്കും. പദ്ധതി 2026 ജൂണ് 1 മുതല് പ്രാബല്യത്തിലാകുമെന്നും ഗതാഗത വകുപ്പിന്റെ വിജ്ഞാപനത്തില് പറയുന്നു.
ബംഗാളില് താമസക്കാരായ സ്ത്രീകള്ക്കാണ് യാത്രാസൗജന്യം ലഭിക്കുക. ഹ്രസ്വ ദൂര- ദീര്ഘദൂര യാത്രകള്ക്ക് ഒരുപോലെ സൗജന്യം ലഭിക്കും. ഗുണഭോക്താക്കളായ സ്ത്രീകള്ക്ക് സംസ്ഥാന സര്ക്കാര് ക്യൂആര് കോഡും പേരും ഫോട്ടോയുമുള്ള ഡിജിറ്റല് സ്മാര്ട്ട് കാര്ഡ് നല്കും. കാര്ഡിനായി ബ്ലോക്ക് ഡെവലപ്പ്മെന്റ് ഓഫീസര്ക്കാണ് അപേക്ഷ നല്കേണ്ടത്.
