കോഴിക്കോട് : കോഴിക്കോട് കൊന്നേങ്കാട്ട് ശ്രീ കുറുമ്പ ഭഗവതി ക്ഷേത്രത്തിൽ പത്താമത് കർപ്പൂരാഴി മഹോത്സവം ഡിസംബർ 6 ശനിയാഴ്ച്ച മുൻവർഷങ്ങളിലേതിന് സമാനമായി ഗംഭീരമായി ആഘോഷിക്കുമെന്ന് ക്ഷേത്ര ഭാരവാഹികൾ അറിയിച്ചു.

മണ്ഡല ഉത്സവത്തിന്റെ ഭാഗമായി പ്രത്യേക പൂജകളും, ചടങ്ങുകളും ക്ഷേത്രത്തിൽ നടന്നു പോരുന്നു. അതിന്റെ ഭാഗമായി ഡിസംബർ 4 വ്യാഴാഴ്ച്ച രാത്രി 7 മണിയ്ക്ക് ഭജന ഉണ്ടായിരിക്കുന്നതാണ്. ഡിസംബർ 6 ശനിയാഴ്ച്ച പുലർച്ചെ ഗണപതി ഹോമത്തോടെ തുടങ്ങുന്ന ചടങ്ങുകൾ രാത്രി വരെ നീളും.

അന്നേ ദിനം പ്രസാദ വിതരണവും, നാമജപവും, വൈകീട്ട് 7 മണിയ്ക്ക് ഭക്തജന പങ്കാളിത്തത്തോടു കൂടി കർപ്പൂരാഴി എഴുന്നള്ളത്തും, അതിനകമ്പടിയായി ചെണ്ടമേളവും, മറ്റ് വാദ്യ മേളങ്ങളും, താലപ്പൊലിയും, നിശ്ചല രൂപങ്ങളും ഉണ്ടാകുമെന്നും അധികൃതർ അറിയിച്ചു.