കോഴിക്കോട്: കോഴിക്കോട് ജില്ലയുടെ നഗരത്തിലും പരിസര പ്രദേശങ്ങളിലും കഴിഞ്ഞ രണ്ട് ദിവസങ്ങളിലായി മഴയുടെ ദുരിതപ്പെയ്ത്ത്.
കഴിഞ്ഞ രണ്ട് ദിവസങ്ങളിലായി വൈകുന്നേരങ്ങളിൽ ജില്ലയിൽ നഗരത്തിലും പരിസര പ്രദേശങ്ങളിലുമായി പെയ്ത മഴയിൽ ജനം വലഞ്ഞു. മഴയോടൊപ്പം അതിതീവ്ര കാറ്റും, ഇടിയും മിന്നലും, പലയിടങ്ങളിലും വൈദ്യുതി മുടങ്ങുന്നതിനും കാരണമായി. റോഡുകളിൽ പലയിടങ്ങളിലും വെള്ളം കയറിയതും, കുഴികളും, റോഡും മനസ്സിലാകാതെ യാത്രക്കാരെ ബുദ്ധിമുട്ടിലാഴ്ത്തി. കോഴിക്കോട് പെരുന്തുരുത്തിയിൽ വൈദ്യുത കമ്പിയിലേക്ക് ചാഞ്ഞ ഉണങ്ങിയ ഓലയ്ക്ക് തീ പിടിച്ചത് പ്രദേശവാസികളിൽ ആശങ്ക പടർത്തി.
