കൊടുങ്ങല്ലൂർ: കൊടുങ്ങല്ലൂരിലെ ടികെഎസ് പുരം, തിരുമുപ്പത്ത് കെഎസ്ഇബി അസിസ്റ്റന്റ് ആനന്ദന്റെ വീട്ടിൽ മോഷണം. അടുക്കള വാതിൽ കുത്തിത്തുറന്ന് മുറിയിലെ അലമാരയിൽ സൂക്ഷിച്ചിരുന്ന മൂന്ന് പവൻ സ്വർണ്ണാഭരണങ്ങളും 300 രൂപയും മോഷണം പോയതായി വീട്ടുകാർ അറിയിച്ചു. മോഷണം നടക്കുന്ന സമയത്ത് ആനന്ദന്റെ അമ്മ അംബുജാക്ഷിയും ഭാര്യ സ്മിതയും മാത്രമായിരുന്നു വീട്ടിൽ. കൊടുങ്ങല്ലൂർ പോലീസ് സംഭവത്തിൽ അന്വേഷണം ആരംഭിച്ചു. വാർഡ് കൗൺസിലറും ക്ഷേമകാര്യ സ്റ്റാൻ്റിംഗ് കമ്മറ്റി ചെയർമാനുമായ കെ.എസ്. കൈസാബ് മോഷണത്തെക്കുറിച്ച് ഊർജ്ജിതമായ അന്വേഷണം നടത്തണമെന്ന് ആവശ്യപ്പെട്ടു.