തൃശൂർ : ​കോഴിക്കോട് നിന്നും എറണാകുളത്തേക്ക് പോവുകയായിരുന്ന കെ.എസ്.ആർ.ടി.സി. സ്വിഫ്റ്റ് സൂപ്പർഫാസ്റ്റ് ബസ് കൊടകര മേൽപ്പാലത്തിന് സമീപം ദേശീയപാതയിൽ അപകടത്തിൽപ്പെട്ടു. പുലർച്ചെ 5:30 ഓടെയായിരുന്നു അപകടം. ബസ്സിന്‌ പിന്നിൽ ലോറി ഇടിച്ചായിരുന്നു അപകടമുണ്ടായത്.

അപകടത്തിനു കാരണമായ ലോറി നിർത്താതെ പോകുകയായിരുന്നു. ​അപകടത്തിൽ ബസ് യാത്രക്കാരായ പതിനഞ്ചോളം പേർക്ക് നിസ്സാര പരിക്കേറ്റു. പരിക്കേറ്റവരെ ഉടൻ തന്നെ കൊടകരയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.​ സംഭവമറിഞ്ഞ് കൊടകര പോലീസും ഹൈവേ പോലീസും സ്ഥലത്തെത്തി സ്ഥിതിഗതികൾ പരിശോധിച്ചു.