പാലക്കാട്: വരാനിരിക്കുന്ന തദ്ദേശസ്വയംഭരണ തിരഞ്ഞെടുപ്പിനായി തരൂർ ഗ്രാമപഞ്ചായത്തിയിലെ എൽഡിഎഫ് സ്ഥാനാർത്ഥികൾ നാമനിർദ്ദേശപത്രിക സമർപ്പിച്ചു. രാവിലെ തന്നെ പ്രവർത്തകരുടെ നേതൃത്വത്തിൽ തിരക്കേറിയ അന്തരീക്ഷത്തിലാണ് ഓരോ വാർഡുകളിലും സ്ഥാനാർത്ഥികൾ കുതിപ്പോടെ നാമനിർദ്ദേശ കേന്ദ്രത്തിലെത്തിയത്.
എൽഡിഎഫ് നേതൃത്വത്തിന്റെ തീരുമാനപ്രകാരം ഇത്തവണയും വികസനവും ജനക്ഷേമ പ്രവർത്തനങ്ങളും മുൻനിർത്തിയുള്ള ശക്തമായ സ്ഥാനാർത്ഥി നിരയെയാണ് ഇറക്കിയിരിക്കുന്നത്. നാമനിർദ്ദേശ സമർപ്പണത്തിന് സിപിഐ (എം), സിപിഐ, എൽഡിഎഫ് അനുബന്ധ സംഘടനകളിലെ പ്രവർത്തകരുടെ വൻ സാന്നിധ്യമുണ്ടായിരുന്നു.
സ്ഥാനാർത്ഥി മുന്നേറ്റത്തിന് അനുയോജ്യമായ അന്തരീക്ഷം നടക്കുന്നുണ്ടെന്നും ജനങ്ങളുടെ പിന്തുണ ഉറപ്പാണെന്നും എൽഡിഎഫ് നേതാക്കൾ മാധ്യമങ്ങളോട് പ്രതികരിച്ചു. തരൂർ പഞ്ചായത്തിലെ വിവിധ വാർഡുകളിൽ ശക്തമായ പോരാട്ടമാണ് പ്രതീക്ഷിക്കുന്നത്.
പഞ്ചായത്തിലേക്ക് 18 സ്ഥാനാർത്ഥികൾ നാമനിർദ്ദേശപത്രിക സമർപ്പിച്ചു. എട്ടു വനിതാ വാർഡും 10 ജനറൽ വാർഡും എന്ന ക്രമത്തിലാണ് നാമനിർദ്ദേശപട്ടിക സമർപ്പിച്ചത്. സ്ഥാനാർത്ഥികൾ വാർഡിലെ വീടുകൾ തോറും കയറി വോട്ട് അഭ്യർത്ഥിക്കാൻ തുടങ്ങി. വികസനം മുൻനിർത്തിയാണ് എൽഡിഎഫ് വോട്ട് ചോദിക്കുന്നത്.
