തിരുവനന്തപുരം: എൽഡിഎഫ് മതങ്ങളെ മാനിക്കുകയും മതഭ്രാന്തിനെ പിന്തുണക്കുകയില്ലെന്നും ബിനോയ് വിശ്വം പറഞ്ഞു. യഥാർത്ഥ വിശ്വാസങ്ങളെ സ്വീകരിക്കുന്ന നിലപാടാണ് എൽഡിഎഫിന്റെ നിലപാട്, എന്നാൽ മതഭ്രാന്തിനോട് മുട്ടുമടക്കില്ല എന്നും അദ്ദേഹം കൂട്ടിച്ചേർത്തു.
അമൃതാനന്ദമയിയെ ആശ്ലേഷിച്ച സംഭവത്തിൽ സജി ചെറിയാന്റെ ചിത്രം കണ്ടിട്ടില്ലെന്നും, അതിനുള്ള മറുപടി സജി തന്നെ പറയേണ്ടതായിരിക്കും. ഇത്തരം കാര്യങ്ങൾ എൽഡിഎഫ് ചർച്ച ചെയ്യേണ്ടതില്ല എന്നും ബിനോയ് വിശ്വം വ്യക്തമാക്കി.
എൻഎസ്എസ് സംബന്ധിച്ച മാറ്റത്തെ പോസിറ്റീവായി കാണുന്നു എന്നും, ഇടതുപക്ഷം ശരിയെന്ന് തിരിച്ചറിഞ്ഞാൽ അത് പറയുന്നതിൽ വിമർശനം ഇല്ല എന്നും അദ്ദേഹം പറഞ്ഞു. മന്നത്ത് പത്മനാഭന്റെ ആദർശങ്ങൾ ഉയർത്തിപ്പിടിക്കുന്നത് വരെ എൻഎസ്എസ് നിലപാട് ശരിയെന്ന് ബിനോയ് വിശ്വം വ്യക്തമാക്കി.
