ആലപ്പുഴ: തദ്ദേശ ഉപതെരഞ്ഞെടുപ്പ് പ്രഖ്യാപിച്ചതോടെ മണ്ണഞ്ചേരി പഞ്ചായത്തിൽ കോൺഗ്രസ്സിനുള്ളിലെ ഭിന്നത അതി രൂക്ഷമാകുന്നു.
മണ്ണഞ്ചേരി പഞ്ചായത്തിലെ നാലാം വാർഡിൽ കോൺഗ്രസ്സ് പ്രവർത്തകരായ മൂന്ന് പേരാണ് നിലവിൽ മത്സര രംഗത്തുള്ളത്. വാർഡ് കമ്മറ്റി മത്സരിപ്പിക്കാൻ തീരുമാനിച്ചിരുന്ന സ്ഥാനർത്ഥിയുടെ പേര് വെട്ടി ബ്ലോക്ക് മെമ്പർ വാർഡിലേക്ക് മത്സരിക്കാൻ വന്നതാണ് ഭിന്നതക്ക് കാരണം. ഇതിൽ പ്രതിഷേധിച്ചു വാർഡിലെ കോൺഗ്രസ്സ് പ്രവർത്തകർ പൊതു സ്വതന്ത്രയെ സ്ഥാനാർത്ഥിയെ പ്രഖ്യാപിച്ചു കഴിഞ്ഞു. ഇതേ വാർഡിലെ 30 ഓളം പ്രവർത്തകർ രാജി സന്നദ്ധത അറിയിക്കുകയും ചെയ്തിട്ടുണ്ട്.
പത്രിക സമർപ്പിക്കേണ്ട അവസാന ദിവസമായി ഇന്നാണ് ബിജെപി സ്ഥാനാർഥിയെ പ്രഖ്യാപിച്ചത് കോൺഗ്രസ്സ് പ്രവർത്തകയും കോൺഗ്രസ്സ് ഭരിക്കുന്ന സഹകരണ ബാങ്കിലെ ജീവനക്കാരിയുമാണ് വാർഡിലെ എൻ ഡി എ സ്ഥാനാർഥിയായി മത്സരിക്കുന്നത് ഇതും കോൺഗ്രസ്സ് നേതൃത്വത്തെ ഞെട്ടിച്ചിരിക്കുകയാണ്.
