മെക്സിക്കോ സിറ്റി: വെനിസ്വേലയിലെ അമേരിക്കൻ സൈനിക ഇടപെടലിന് പിന്നാലെ, മെക്സിക്കൻ മയക്കുമരുന്ന് മാഫിയകളെ ലക്ഷ്യമാക്കി ഏകപക്ഷീയ സൈനിക നടപടി സ്വീകരിക്കുമെന്ന് പ്രസിഡന്റ് ഡോണൾഡ് ട്രംപ് നടത്തിയ ഭീഷണിയെ മെക്സിക്കോ തള്ളി.
ട്രംപ് ഭീഷണി ഉയർത്തുന്നുണ്ടെങ്കിലും അത്തരമൊരു നീക്കം യാഥാർഥ്യമാകാൻ സാധ്യതയില്ലെന്നാണ് മെക്സിക്കൻ സർക്കാർ വൃത്തങ്ങളും രാഷ്ട്രീയ നിരീക്ഷകരും വിലയിരുത്തുന്നത്. അമേരിക്കയുടെ ആവശ്യങ്ങൾ മെക്സിക്കോ പാലിച്ചുവരികയാണെന്നും, ഇരു രാജ്യങ്ങൾ തമ്മിലുള്ള സാമ്പത്തിക ബന്ധങ്ങൾ നിർണായകമാണെന്നും മെക്സിക്കൻ പ്രസിഡന്റ് ക്ലോഡിയ ഷീൻബോം വ്യക്തമാക്കി.
അമേരിക്കൻ സർക്കാരുമായി മെക്സിക്കോക്ക് മികച്ച ബന്ധമാണുള്ളതെന്നും, അമേരിക്കയ്ക്ക് മെക്സിക്കോയിലേക്ക് സൈനിക ആക്രമണം നടത്താൻ സാധ്യതയില്ലെന്നും ഷീൻബോം കൂട്ടിച്ചേർത്തു.
