തിരുവനന്തപുരം : തിരുവനന്തപുരം ശംഖുമുഖം, എറണാകുളം പനമ്പിള്ളി നഗര്, മലപ്പുറം കോട്ടക്കുന്ന്, കോഴിക്കോട് ബീച്ച് എന്നീ സഥലങ്ങളിൽ മോഡേണൈസേഷന് ഓഫ് ഫുഡ് സ്ട്രീറ്റ്സ് പദ്ധതിയുടെ ഭാഗമായി ഫുഡ് സ്ട്രീറ്റുകള് സജ്ജമാക്കി വരുന്നതായി ആരോഗ്യമന്ത്രി വീണ ജോർജ്. ഭക്ഷ്യ സുരക്ഷാ മാനദണ്ഡങ്ങൾ പാലിച്ച് നിര്മ്മിച്ച ആധുനിക ഫുഡ് സ്ട്രീറ്റുകളാണ് ഇവയെന്നും മന്ത്രി വ്യക്തമാക്കി.കൂടാതെ പ്രാദേശിക തൊഴിൽ മേഖലയെ ശക്തിപ്പെടുത്താനും പദ്ധതിയിലൂടെ സാധിക്കും.
സംസ്ഥാനത്തിന്റെ തനത് ഭക്ഷണങ്ങള് ലഭ്യമാക്കി ഫുഡ് ഡെസ്റ്റിനേഷനുകള് പ്രോത്സാഹിപ്പിക്കുക എന്നതും ഈ പദ്ധതിയുടെ ലക്ഷ്യമാണ്. എറണാകുളത്ത് കസ്തൂര്ബ നഗറില് ജി.സി.ഡി.എ സഹകരണത്തോടെയും മലപ്പുറത്ത് ഡിടിപിസിയുടെ സഹകരണത്തോടെയും കോഴിക്കോട് ബീച്ചില് കോര്പ്പറേഷന്റെ സഹകരണത്തോടെയുമാണ് പദ്ധതി പൂര്ത്തിയാക്കുന്നത്. ഫുഡ് സ്ട്രീറ്റുകളിൽ ടോയ്ലറ്റ് ഉൾപ്പടെയുള്ള സൗകര്യങ്ങളും കൂടാതെ കൃത്യമായുള്ള മാലിന്യസംസ്കരണവും നടത്തും. കൂടാതെ ഫുഡ് സേഫ്റ്റി സ്റ്റാന്ഡേര്ഡ്സ് അതോറിറ്റി ഓഫ് ഇന്ത്യയുടെയും ദേശീയ ആരോഗ്യ ദൗത്യത്തിന്റെയും സഹകരണം പദ്ധതിക്കുണ്ട്.
