ഡല്ഹി: ഉത്തരാഖണ്ഡില് മാധ്യമപ്രവര്ത്തകനെ പുഴയില് മരിച്ച നിലയില് കണ്ടെത്തി. ഡല്ഹി ഉത്തരാഖണ്ഡ് ലൈവ് എന്ന യൂട്യൂബ് ചാനല് വഴി വാര്ത്തകള് പുറത്തെത്തിച്ചിരുന്ന മാധ്യമപ്രവര്ത്തകന് രാജീവ് പ്രതാപാണ് മരിച്ചത്. ഉത്തരകാശി ജില്ലാ ആശുപത്രിയുമായി ബന്ധപ്പെട്ട് രാജീവ് പുറത്തുകൊണ്ടുവന്ന വാര്ത്തകളെ തുടര്ന്ന് ഇദ്ദേഹത്തിന് വധഭീഷണി ഉണ്ടായിരുന്നുവെന്നും മരണത്തില് ദുരൂഹതയുണ്ടെന്നും കുടുംബം പറയുന്നു. മദ്യപിച്ച് വാഹനമോടിച്ചുണ്ടായ അപകടമാണ് മരണത്തിലേക്ക് നയിച്ചതെന്നാണ പൊലീസ് നിഗമനം.
സെപ്തംബര് 18 നാണ് രാജീവ് പ്രതാപിനെ കാണാതായത്. തൊട്ടടുത്ത ദിവസം രാജീവിനെ കാണാനില്ലെന്ന് കാട്ടി കുടുംബം പൊലീസില് പരാതി നല്കിയിരുന്നു. സെപ്തംബര് 28 ന് ജോഷിയാരാ ബാരേജിന് സമീപത്താണ് രാജീവിനെ മരിച്ച നിലയില് കണ്ടെത്തിയത്. രാജീവ് അമിതമായി മദ്യപിച്ചിരുന്നുവെന്നും ഇദ്ദേഹം സഞ്ചരിച്ചിരുന്ന കാര് നിയന്ത്രണം വിട്ട് പുഴയിലേക്ക് മറിഞ്ഞതാണ് അപകടകാരണമെന്നും കേസ് അന്വേഷിക്കുന്ന പ്രത്യേക സംഘത്തിന്റെ വെളിപ്പെടുത്തല്.
