ഹേമ കമ്മിറ്റി റിപ്പോർട്ട് വന്നതോടുകൂടി നിലനില്പില്ലാതെ പോയ താരസംഘടയാണ് എ എം എം എ. ജനറൽ സെക്രട്ടറി ഉൾപ്പടെ നിരവധി പ്രമുഖ താരങ്ങൾക്കെതിരെ വന്ന ലൈംഗിക ആരോപണത്തിൽ സംഘടന ആടിയുലഞ്ഞിരുന്നു. തുടർന്നാണ് മോഹൻലാൽ പ്രസിഡണ്ട് ആയിരുന്ന നേതൃത്വം പിരിച്ചു വിട്ടത്.
ഹേമ കമ്മിറ്റി കമ്മിറ്റി റിപ്പോർട്ടിൽ ചലച്ചിത്ര മേഖലയിലെ പ്രമുഖ സംഘടനായ എ എം എം എക്ക് മിണ്ടാട്ടമില്ലായിരുന്നു. നേതൃസ്ഥാനത്ത് ഉള്ളവർ വരെ പ്രതികരിക്കാത്തതിൽ സംഘടനക്ക് നേരെ വലിയ വിമർശനം ഉയർന്ന് വന്നിരുന്നു.
സംഘടന ജനറൽ സെക്രട്ടറി ഉൾപ്പടെ ആരോപണ വിധേയനായിരുന്ന സാഹചര്യത്തിൽ എന്തിനും ഏതിനും എ എം എം എയെ വിമർശിക്കേണ്ടതില്ല, മറുപടി പറയേണ്ടത് എല്ലാവരുമാണെന്ന് മോഹൻലാൽ നേരത്തെ വ്യക്തമാക്കിയിരുന്നു. എന്തായാലും അദ്ദേഹം ഇനി എ എം എം എയുടെ ഭാരവാഹിത്വത്തിലേക്ക് ഇല്ല എന്നറിയിച്ചിരിക്കുകയാണ്. നിലവിൽ അടുത്ത തെരഞ്ഞെടുപ്പ് വരെ അഡ്ഹോക് കമ്മിറ്റിയാണ് സംഘടനയെ നയിക്കുക.
