തിരുവനന്തപുരം: ആരോഗ്യകേരളം പദ്ധതിയിൽ വിവിധ തസ്തികകളിലേക്ക് ഓൺലൈൻ അപേക്ഷകൾ ക്ഷണിച്ചു. മിഡ്ലെവൽ സർവീസ് പ്രൊവൈഡർ, അനുയാത്രയിലെ ഡെവലപ്പ്മെന്റ് തെറാപ്പിസ്റ്റ്, പാലിയേറ്റീവ് നേഴ്സ്, സ്പെഷ്യലിസ്റ്റ് ഡോക്ടർ എന്നീ സ്ഥാനങ്ങളിലാണ് നിയമനം.
മിഡ്ലെവൽ സർവീസ് പ്രൊവൈഡറും അനുയാത്രയിലെ ഡെവലപ്പ്മെന്റ് തെറാപ്പിസ്റ്റ് തസ്തികയിലേക്കുള്ള അപേക്ഷകൾ ഒക്ടോബർ 30നകം സമർപ്പിക്കണം. പാലിയേറ്റീവ് നേഴ്സ്, സ്പെഷ്യലിസ്റ്റ് ഡോക്ടർ തസ്തികകൾക്ക് അപേക്ഷിക്കാനുള്ള അവസാന തീയതി നവംബർ 1 ആണ്. അപേക്ഷ സമർപ്പിക്കാനും കൂടുതൽ വിവരങ്ങൾ അറിയാനുമായി http://www.arogyakeralam.gov.in എന്ന വെബ്സൈറ്റ് സന്ദർശിക്കാം. ഫോൺ: 0483 2730313, 9846700711.
അതേസമയം, ജില്ലാ വനിതാ സെല്ലിന് കീഴിലുള്ള ഫാമിലി വുമൺ കൗൺസിലർ തസ്തികയിലേക്കും കരാർ അടിസ്ഥാനത്തിൽ നിയമനം നടക്കും. സൈക്കോളജിയിൽ ബിരുദാനന്തര ബിരുദവും കൗൺസിലിങ്ങിൽ കുറഞ്ഞത് രണ്ടുവർഷത്തെ പ്രവൃത്തി പരിചയവുമാണ് ആവശ്യമായ യോഗ്യത.
ഉദ്യോഗാർത്ഥികൾ ഒക്ടോബർ 20നകം വിശദമായ അപേക്ഷ, ബയോഡാറ്റ, പാസ്പോർട്ട് സൈസ് ഫോട്ടോ, യോഗ്യതാ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പ് എന്നിവ സഹിതം ജില്ലാ പൊലീസ് മേധാവി, ജില്ലാ പൊലീസ് ഓഫീസ്, കൽപ്പറ്റ – 673122 എന്ന വിലാസത്തിലോ mailto:ciwmncelwynd.pol@kerala.gov.in എന്ന ഇമെയിൽ വിലാസത്തിലോ സമർപ്പിക്കണം. അപേക്ഷ കൽപ്പറ്റ വനിതാ സെൽ ഓഫീസിൽ നേരിട്ട് സമർപ്പിക്കാനുമാകും. ഫോൺ: 04936 207600.
