മലപ്പുറം : നിലമ്പൂർ ഉപതിരഞ്ഞെടുപ്പിൽ നാമനിർദേശ പത്രിക സമർപ്പിച്ചത് 19 പേർ. സമർപ്പിച്ച നാമനിർദേശ പത്രികകളുടെ സൂഷ്മ പരിശോധന ഇന്ന് നടക്കും. എൽഡിഎഫ് യൂഡിഎഫ് എന്നീ പ്രധാന മുന്നണികൾക്കൊപ്പം തന്നെ എൻഡിഎ സ്ഥാനാർഥി മോഹൻ ജോർജും ജെപിപിഎം മുന്നണിയിൽ നിന്ന് മത്സരിക്കുന്ന പി വി അൻവറും സജീവമായി പ്രചാരണ രംഗത്തുണ്ട്. യുഡിഎഫ് സ്ഥാനാർത്ഥിയായ ആര്യാടൻ ഷൗക്കത്താണ് ആദ്യം നാമനിർദേശ പത്രിക സമർപ്പിച്ചത്.

മോഹൻ ജോർജും , സ്വരാജും, അൻവറും ഇന്നലെയായിരുന്നു നാമനിർദേശ പത്രിക സമർപ്പിച്ചത്. അതേസമയം ആര്യാടൻ ഷൗക്കത്തിന്റെ പഞ്ചായത്ത് തല പ്രചാരണ പരിപാടികൾ ഇന്ന് തുടങ്ങും.എൽഡിഎഫ് സ്ഥാനാർഥി എം സ്വരാജിന്റെ പര്യടനവും തുടരുകയാണ്. പരമാവധി വോട്ടർമാരെ നേരിൽ കാണാനുള്ള ശ്രമത്തിലാണ് എൻഡിഎ സ്ഥാനാർഥി മോഹൻ ജോർജ്.ഇടതുപ്രചാരണത്തിനായി മന്ത്രിമാർ അടക്കം കൂടുതൽ നേതാക്കൾ മണ്ഡലത്തിൽ എത്തും.