നടൻ നിവിൻ പോളിക്കും സംവിധായകൻ എബ്രിഡ് ഷെെനും എതിരെ സഹനിര്മ്മാതാവ് നല്കിയ വഞ്ചനാ കേസില് പ്രതികരണവുമായി നടന് നിവിന് പോളി. കോടതി നിര്ദേശ പ്രകാരമുള്ള മധ്യസ്ഥതയില് പരിഹാരത്തിന് ശ്രമിക്കുന്ന തര്ക്കമാണ് ഇതെന്നും കോടതി നിര്ദേശത്തെ ബഹുമാനിക്കാതെയാണ് പരാതിക്കാരന് അടുത്ത കേസ് നല്കിയിരിക്കുന്നതെന്നും നിവിന് പോളി സോഷ്യല് മീഡിയയിലൂടെ പ്രതികരിച്ചു.
കാര്യം ഒളിപ്പിച്ചും വസ്തുതകളെ വളച്ചൊടിച്ചുമാണ് ഒരു പുതിയ കേസ് രജിസ്റ്റര് ചെയ്തിട്ടുള്ളതെന്ന് നിവിന് പോളി ഫേസ്ബുക്കില് പോസ്റ്റ് ചെയ്തു. തനിക്കെതിരെ ഉയർന്ന ആരോപണത്തിൽ വേണ്ട നിയമ നടപടി സ്വീകരിക്കുമെന്നും സത്യം ജയിക്കുമെന്നും താരം കുറിച്ചു.
എബ്രിഡ് ഷൈനിന്റെ സംവിധാനത്തില് നിവിന് പോളി നായകനായ മഹാവീര്യര് എന്ന സിനിമയുടെ നിര്മ്മാതാക്കളില് ഒരാളായിരുന്ന ഷംനാസ്. വഞ്ചനയിലൂടെ തൻ്റെ 1.90 കോടി രൂപ തട്ടിയെടുത്തുവെന്ന പരാതിയുമായാണ് പൊലീസിനെ സമീപിച്ചത്. കേസിൽ തലയോലപ്പറമ്പ് പൊലീസ് എഫ്ഐആര് രജിസ്റ്റർ ചെയ്തു.
