കൊച്ചി: ഓംപ്രകാശ് പ്രതിയായ ലഹരി ഇടപാട് കേസില് ശ്രീനാഥ് ഭാസിക്കെതിരെയും പ്രയാഗ മാര്ട്ടിനും എതിരെ ഇത് വരെ തെളിവൊന്നും
ലഭിച്ചിട്ടില്ലെന്ന് പൊലീസ്. കൊച്ചി സിറ്റി പൊലീസ് കമ്മീഷണര് പുട്ട വിമലാദിത്യയാണ് പ്രതികരണം നടത്തിയത്. ഇരുവരെയും ആവശ്യമെങ്കില് മാത്രമേ വീണ്ടും വിളിപ്പിക്കൂവെന്നും അദ്ദേഹം പറഞ്ഞു.
അലന് വാക്കര് പരിപാടിക്കിടെയുണ്ടായ ഫോണ് മോഷണത്തില് രണ്ട് സംഘങ്ങള് ഡല്ഹിയിലും ബെംഗളുരുവിലും അന്വേഷണം നടത്തുന്നുണ്ട്. ഏത് ഗാങ് ആണെന്ന് സ്ഥിരികരിച്ചിട്ടില്ലെന്നും കമ്മീഷണര് പറഞ്ഞു. ടെലിവിഷന് മേഖലയിലെ ആര്ട്ടിസ്റ്റായ ഒരാള് ഹോട്ടലില് എത്തിയിരുന്നു. ലഹരി പാര്ട്ടിക്ക് വന്നതായി ഇത് വരെ സൂചനയില്ല. വിദഗ്ധ പരിശോധന ഫലത്തിനായി കാത്തിരിക്കുന്നുവെന്നും കമ്മീഷണര് പറഞ്ഞു.
