ചിന്നക്കനാലില് നിന്ന് മുണ്ടന്തുറൈ കടുവ സങ്കേതത്തിലെത്തിച്ച അരിക്കൊമ്പന്റെ ഇഷ്ടവിഭവങ്ങളില് മാറ്റം. ഇഷ്ടഭക്ഷണമായിരുന്ന അരിക്കുവേണ്ടി അരിക്കൊമ്പന് പരാക്രമം കാണിക്കാറില്ലെന്നും ഇപ്പോള് ഏറെ പ്രിയം പുല്ലും ഇലയുമെന്ന് തമിഴ്നാട് വനംവകുപ്പ് പറഞ്ഞു. പ്രകൃതിദത്ത വിഭവങ്ങള് കഴിച്ച് ശാന്തനായി കഴിയുകയാണ് അരികൊമ്പന് ഇപ്പോള്. മുണ്ടന്തുറൈ ടൈഗര് റിസര്വ് ഡയറക്ടറാണ് ഇക്കാര്യം വ്യക്തമാക്കിയത്.
2023 ഏപ്രില് 29നാണ് ചിന്നക്കനാലില് നിന്ന് മയക്കുവെടി വച്ച് പിടികൂടി താപ്പാനകളുടെ സഹായത്തോടെ ആദ്യം പെരിയാര് ടൈഗര് റിസര്വിലേക്കും അവിടെ നിന്ന് തിരുനെല്വേലി മുണ്ടെന്തുറൈ വന്യജീവി സങ്കേതത്തിലേക്കുമാണ് അരിക്കൊമ്പനെത്തിയത്. 2005 മുതല് വീടും റേഷന് കടയും ഏലം സ്റ്റോറുമൊക്കെയായി 180 കെട്ടിടങ്ങള് അരിക്കൊമ്പന് തകര്ത്തെന്നാണ് കണക്ക്. കാട്ടാനയുടെ ആക്രമണത്തില് 30 ഓളം പേര്ക്ക് പരുക്കേല്ക്കുകയും ചെയ്തു. 7 പേരെ കൊല്ലുകയും 60ലേറെ വീടുകളും കടകളും തകര്ക്കുകയും ചെയ്തതിട്ടുണ്ട്.
