കൊച്ചി: നടിയെ ആക്രമിച്ച കേസില് ദിലീപിന്റെ പാസ്പോര്ട്ട് തിരിച്ചു നല്കും. എറണാകുളം പ്രിന്സിപ്പല് സെഷന്സ് കോടതിയുടേതാണ് തീരുമാനം.
ദിലീപിന്റെ അപേക്ഷ അംഗീകരിച്ചു. പുതിയ സിനിമ ഇന്ന് റിലീസായെന്നും ഇതിന്റെ പ്രമോഷന് ആവശ്യത്തിനായി വിദേശത്തേക്ക് പോകേണ്ടിവരുമെന്നും ദിലീപ് അറിയിച്ചു.
കുറ്റവിമുക്തനാക്കപ്പെട്ടതോടെ ജാമ്യ ബോണ്ടുകള് അവസാനിച്ചെന്ന് കോടതി വ്യക്തമാക്കി.
ഈ ആവശ്യംകൂടെ പരിഗണിച്ചാണ് പാസ്പോര്ട്ട് തിരികെ നല്കാനുള്ള തീരുമാനമുണ്ടായിരിക്കുന്നത്.
ശിക്ഷാവിധി വന്ന ദിവസം ഈ ഹര്ജി കോടതിയ്ക്ക് മുന്നിലെത്തിയിരുന്നുവെങ്കിലും ഡിസംബര് 18ന് പരിഗണിക്കാമെന്ന് കോടതി പറയുകയായിരുന്നു.
തൊഴിലിന്റെ ഭാഗമായി വിദേശത്ത് പോകേണ്ടതുണ്ട് എന്നുള്പ്പെടെയുള്ള വാദങ്ങളാണ് ദിലീപ് മുന്നോട്ടുവയ്ച്ചത്. മുന്പ് ഹൈക്കോടതിയുടെ പ്രത്യേക അനുമതിയോടെയാണ് ദിലീപ് വിദേശത്തേക്ക് പോയിരുന്നത്.
