വയനാട്: പൂക്കോട് വെറ്ററിനറി കോളജ് വിദ്യാര്ത്ഥി ജെ എസ് സിദ്ധാര്ത്ഥന്റെ മരണത്തിന് ഇന്ന് ഒരാണ്ട്. കോളേജിൽ ക്രൂര റാഗിംഗിന് ഇരയായി ആത്മഹത്യ ചെയ്ത നിലയില് കണ്ടെത്തിയ സിദ്ധര്ത്ഥന്റെ മരണം സമൂഹ മനസാക്ഷിയെ ഞെട്ടിച്ചതാണ്. സിദ്ധാര്ത്ഥന്റെ മരിച്ച് ഒരു വര്ഷം പിന്നിടുമ്പോഴും നീതി അകലെയെന്നാണ് മാതാവ് രക്ഷകർത്താകൾക്ക് പറയാനുള്ളത്.
2024 ഫെബ്രുവരി 18 നാണ് ഒരു കുടുംബത്തിന്റെ പ്രതീക്ഷകള് തടകിടം മറിച്ച് സിദ്ധാര്ത്ഥന്റെ മരണവാര്ത്ത എത്തുന്നത്. തൂങ്ങിമരണമെന്ന് വിധിയെഴുതിയ കേസ് പിന്നെ വഴിമാറിയത് റാഗിംഗ് ഭീകരതയിലേക്ക് ആണ്. കോളേജില് സഹപാഠികളും സീനിയര് വിദ്യാര്ത്ഥികളും ചേര്ന്ന് സിദ്ധാര്ത്ഥനെ പരസ്യവിചാരണ ചെയ്തു. ദിവസങ്ങളോളം നീണ്ട ക്രൂര മര്ദനങ്ങള്ക്ക് ഒടുവില് ഹോസ്റ്റലില് സിദ്ധാര്ത്ഥനെ തൂങ്ങിമരിച്ച നിലയില് കണ്ടെത്തുകയായിരുന്നു.
