തൃശ്ശൂർ : തദ്ദേശ തിരഞ്ഞെടുപ്പിന് മുന്നോടിയായി ഗുരുവായൂർ നഗരസഭയിലെ ഇലക്ട്രോണിക് വോട്ടിംഗ് മെഷീനുകളുടെ ആദ്യഘട്ട ചെക്കിങ്ങ് ഗുരുവായൂർ ടൗൺഹാളിൽ നടത്തി. തെരഞ്ഞെടുപ്പ് കമ്മീഷന്റെ മേൽനോട്ടത്തിൽ നടന്ന പരിശോധനയിൽ വിവിധ പാർട്ടികളുടെ സ്ഥാനാർത്ഥികളും ഏജന്റുമാരും പങ്കെടുത്തു. പരിശോധനയുടെ ഭാഗമായി ഓരോ മെഷീനിലും മോക്ക് പോൾ നടത്തുകയും ഫലം പരിശോധിച്ചതിന് ശേഷം സ്ഥാനാർത്ഥി ഏജന്റുമാരുടെ സാക്ഷ്യത്തോടെ മെഷീനുകൾ ശരിയായ രീതിയിൽ സീൽ ചെയ്യുകയും ചെയ്തു. പരിശോധനം വിജയകരമായി പൂർത്തിയായെന്ന് തിരഞ്ഞെടുപ്പ് ഉദ്യോഗസ്ഥർ അറിയിച്ചു.