തിരുവനന്തപുരം : ജില്ലയിലെ ആദ്യബാച്ച് ബാലറ്റ് ലേബലുകളും പോസ്റ്റൽ ബാലറ്റുകളും മണ്ണന്തല ഗവ. പ്രസ് ഡെപ്യൂട്ടി സൂപ്രണ്ട് ജെ.യു. കൃഷ്ണകുമാറിൽ നിന്ന് എഡിഎം ടി.കെ.വിനീത് ഏറ്റുവാങ്ങി.
ഉഴമലയ്ക്കൽ ഗ്രാമപ്പഞ്ചായത്തിലേക്കുള്ള ബാലറ്റ് ലേബലുകളാണ് ആദ്യ ബാച്ചിൽ തയ്യാറാക്കിയത്. ഗവ. പ്രസുകളുടെ സൂപ്രണ്ട് ടി.വീരാൻ, തിരഞ്ഞെടുപ്പ് ഡെപ്യൂട്ടി കളക്ടർ സി.എസ്.സ്മിതാറാണി, ജില്ലാ തിരഞ്ഞെടുപ്പ് പരിശീലന നോഡൽ ഓഫീസർ ആർ.സജി എന്നിവർ പങ്കെടുത്തു.
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന് നിയോഗിച്ചിട്ടുള്ള ഉദ്യോഗസ്ഥർക്കായി തിരുവനന്തപുരത്ത് ആരംഭിച്ച പരിശീലന ക്ലാസിൽ ഇലക്ട്രോണിക് വോട്ടിങ് യന്ത്രത്തിന്റെ പ്രവർത്തനം മനസ്സിലാക്കി ഉദ്യോഗസ്ഥർ.
