ദോഹ: 2029ൽ നടക്കുന്ന അടുത്ത ക്ലബ് ഫുട്ബോള് ലോകകപ്പിന് ആതിഥേയരാകാന് സന്നദ്ധത പ്രകടിപ്പിച്ച് ഖത്തർ. 2022-ൽ നടന്ന ഫിഫ ലോകകപ്പ് ഫുട്ബോളിന് ഒരുക്കിയ സൗകര്യങ്ങള് ഉപയോഗിച്ച് മികച്ച രീതിയില് ടൂര്ണമെന്റ് സംഘടിപ്പിക്കാനാകുമെന്ന് ഖത്തര് ഫിഫയെ അറിയിച്ചതായാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്.
അന്താരാഷ്ട്ര നിലവാരത്തിലുള്ള എട്ട് സ്റ്റേഡിയങ്ങള് ഖത്തറിലുണ്ട്. ടൂര്ണമെന്റില് താരങ്ങള്ക്ക് 11 നഗരങ്ങളിലേക്ക് യാത്ര ചെയ്യേണ്ട സാഹചര്യമുണ്ട്. ഇവയെല്ലാം നിരത്തിയാണ് ഖത്തർ സന്നദ്ധത പ്രകടിപ്പിച്ചിരിക്കുന്നത്.
അതേസമയം ജൂൺ-ജൂലൈ മാസങ്ങളിലാണ് മത്സരങ്ങൾ ഷെഡ്യൂള് ചെയ്തിരിക്കുന്നതിനാൽ ഖത്തരിലെ ചൂട് മത്സരം നടത്താൻ അനുയോജ്യമാവില്ല. വേനൽക്കാലമായതിനാൽ ഖത്തറിൽ ചൂട് കഠിനമാകുമെന്നതിനാൽ ശൈത്യകാലം തുടങ്ങുന്ന ഡിസംബറിലേക്ക് ടൂര്ണമെന്റ് മാറ്റേണ്ടിവരും. യൂറോപ്യന് ലീഗുകളുടെ ഷെഡ്യൂളിനെ ഇത് ബാധിക്കുമെന്നതിനാല് ഇക്കാര്യത്തില് യുവേഫ എതിര്പ്പ് ഉന്നയിക്കുമെന്ന വാർത്തകളാണ് പുറത്ത് വരുന്നത്.
