കോഴിക്കോട് : രാഹുല് മാങ്കൂട്ടത്തിലിനെതിരെ പരാതിയുമായി മറ്റൊരു യുവതി കൂടി രംഗത്തെത്തിയതോടെ പ്രതികരണവുമായി കെ.കെ.രമ എംഎല്എ. രാഹുല് മാങ്കൂട്ടത്തില് എംഎല്എ സ്ഥാനം രാജിവച്ച് ഒഴിയണമെന്നും കോണ്ഗ്രസ് പാര്ട്ടി രാഹുലിനെ പുറത്താക്കണമെന്നും കെ.കെ.രമ ആവശ്യപ്പെട്ടു. എംഎല്എ സ്ഥാനത്ത് തുടരാന് രാഹുലിന് അര്ഹതയില്ല.
രാഹുലിനെ എന്തുകൊണ്ട് പോലീസ് അറസ്റ്റ് ചെയ്യുന്നില്ലെന്നു കെ.കെ.രമ ചോദിച്ചു. അറസ്റ്റ് വൈകുന്നതിന് പിന്നില് പോലീസിന്റെ അലംഭാവമാണെന്നു കെ.കെ.രമ കുറ്റപ്പെടുത്തി.രാഹുല് മാങ്കൂട്ടത്തിലിനെതിരെ ഗുരുതര ആരോപണങ്ങളാണ് യുവതിയുടെ പരാതിയിലുള്ളത്. രാഹുല് ബലാത്സംഗം ചെയ്തെന്നാണ് പരാതി. ഇക്കാര്യം ചൂണ്ടിക്കാട്ടി കോണ്ഗ്രസ് നേതാക്കളായ സോണിയാ ഗാന്ധിക്കും പ്രിയങ്കാ ഗാന്ധിക്കും യുവതി പരാതി നല്കി. കെപിസിസി പ്രസിഡന്റ് സണ്ണി ജോസഫിനും യുവതി പരാതി നല്കിയിട്ടുണ്ട്. പരാതി കെപിസിസി ഡിജിപിക്ക് കൈമാറിയിട്ടുണ്ട്.
