പ്രശസ്ത എഴുത്തുകാരന് ഓംചേരി എന് എന് പിള്ള അന്തരിച്ചു. അന്ത്യം നൂറാം വയസ്സില്. വാര്ധക്യസഹജമായ അസുഖത്തെ തുടര്ന്ന് ഡല്ഹി സെന്റ് സ്റ്റീഫന്സ് ആശുപത്രിയില് വച്ചായിരുന്നു അന്ത്യം. 1951ല് ആകാശവാണിയില് ഉദ്യോഗസ്ഥനായിട്ടാണ് ദില്ലിയില് എത്തിയത്. രണ്ട് പതിറ്റാണ്ട് കാലം ദില്ലി മലയാളികള്ക്കിടയില് സജീവ സാന്നിധ്യമായിരുന്ന വ്യക്തികൂടിയായിരുന്നു ഓംചേരി എന് എന് പിള്ള.
1924 ല് വൈക്കം ഓംചേരി വീട്ടില് നാരായണ പിള്ളയുടെയും പാപ്പിക്കുട്ടിയമ്മയുടെയും മകനായിട്ടാണ് ജനനം. ഇന്ത്യന് ഇന്സ്റ്റിറ്റ്യൂട്ട് ഓഫ് മാസ്സ് കമ്മ്യൂണിക്കേഷന്സില് അധ്യാപകനായിരുന്നു.
ഒൻപത് മുഴുനീള നാടകങ്ങളും 80 ഏകാങ്കങ്ങളും ഓംചേരി രചിച്ചിട്ടുണ്ട്. 1972 ല് ‘പ്രളയം’ എന്ന നാടകത്തിന് കേരള സാഹിത്യ അക്കാദമി പുരസ്ക്കാരവും 2010 ല് സമഗ്ര സംഭാവനക്കുള്ള കേരള സാഹിത്യ അക്കാദമി പുരസ്ക്കാരവും ലഭിച്ചു. ഓംചേരിയുടെ ഓര്മക്കുറിപ്പുകള്ക്ക് കേന്ദ്രസാഹിത്യ അക്കാദമി പുരസ്കാരവും ലഭിച്ചിട്ടുണ്ട്.
