പാലക്കാട്: വടക്കഞ്ചേരി കിഴക്കഞ്ചേരിയില് കാട്ടുപന്നിയിടിച്ച് സ്കൂട്ടർ യാത്രക്കാരനും മകള്ക്കും പരിക്ക്. കിഴക്കഞ്ചേരി കോട്ടേക്കുളം പുഴക്കല് വീട്ടില് ഹക്കീമും രണ്ടാം ക്ലാസില് പഠിക്കുന്ന മകള് സഫ ഫാത്തിമയുമാണ് അപകടത്തില്പെട്ടത്
കാട്ടുപന്നി റോഡിന് കുറുകെ ചാടി സ്കൂട്ടറില് ഇടിച്ചതിന് പിന്നാലെ വാഹനം നിയന്ത്രണം നഷ്ടപ്പെട്ട് മറിയുകയായിരുന്നു. രാത്രി എട്ട് മണിയോടെ വാല്ക്കുളമ്പ് പാറച്ചാട്ടം-കൊട്ടടി റോഡിലാണ് അപകടം നടന്നത്.
ട്യൂഷന് പോയ സഫ ഫാത്തിമയുമായി തിരികെ വീട്ടിലേക്ക് പോകുമ്ബോഴായിരുന്നു ഹക്കീമിന്റെ സ്കൂട്ടറില് കാട്ടുപന്നി ഇടിച്ചത്. അപകടം കണ്ട് ഓടിയെത്തിയ നാട്ടുകാർ ഉടൻ തന്നെ ഇരുവരെയും ആശുപത്രിയില് എത്തിച്ചു.
