തിരുവനന്തപുരം: കേരള യൂണിവേഴ്സിറ്റി ക്യാമ്പസില് ഗവര്ണര് ആരിഫ് മുഹമ്മദ് ഖാനെതിരെ എസ്എഫ്ഐ പ്രതിഷേധം. സംസ്കൃത ഡിപ്പാര്ട്ട്മെന്റ് സംഘടിപ്പിക്കുന്ന മൂന്ന് ദിവസത്തെ സെമിനാര് ഉദ്ഘാടനത്തിനെത്തിയ ഗവര്ണ്ണറെ സെനറ്റ് ഹാളിന് പുറത്ത് മുദ്രാവാക്യം വിളിച്ച് എസ്എഫ്ഐ പ്രവര്ത്തകര് പ്രതിഷേധം അറിയിച്ചു. ക്യാമ്പസ് യൂണിയനെ സത്യപ്രതിജ്ഞ ചെയ്യാന് വിസിയും ഗവര്ണറും അനുവദിക്കുന്നില്ലെന്നാണ് പ്രതിഷേധകര് ആരോപിക്കുന്നത്.
യൂണിവേഴ്സിറ്റി ക്യാമ്പസിന്റെ ഗേറ്റ് മറികടക്കാന് എസ്എഫ്ഐ പ്രവര്ത്തകര് ശ്രമിക്കുന്നതനിടെ പൊലീസുമായി ഉന്തും തള്ളുമുണ്ടായി. പ്രതിഷേധം കണത്തിലെടുത്ത് സെനറ്റ് ഹാളിന്റെ മുഴുവന് വാതിലുകളും ജനലുകളും അടച്ചു. രണ്ട് തവണ പൊലീസ് ജലപീരങ്കി പ്രയോഗിച്ചെങ്കിലും നിയന്ത്രണം ബേധിച്ച് പ്രവര്ത്തകര് പ്രതിഷേധം കടുപ്പിക്കുകയായിരുന്നു.
