ആലപ്പുഴയില് നിന്നാണ് രണ്ട് കോടി വിലവരുന്ന ഹൈബ്രിഡ് കഞ്ചാവുമായി തസ്ലീമ സുല്ത്താനയെ അറസ്റ്റ് ചെയ്തത്. ശ്രീനാഥ് ഭാസിക്കും ഷൈന് ടോം ചാക്കോയ്ക്കും കഞ്ചാവ് കൈമാറിയെന്നും തസ്ലീമ മൊഴി നല്കിയിരുന്നു. മാത്രമല്ല നടന്മാര്ക്കൊപ്പം പല തവണ ലഹരി ഉപയോഗിച്ചതായും തസ്ലീമ മൊഴി നനൽകിയിട്ടുണ്ട്. തസ്ലീമയും നടന്മാരും തമ്മിലുള്ള ചാറ്റ് എക്സൈസിന് ലഭിച്ചിരുന്നു.
തുടർന്ന് തസ്ലീമയുടെ ഭർത്താവ് സുല്ത്താനെയും എക്സൈസ് പിടികൂടിയിരുന്നു. യുവതിക്ക് സിനിമാ മേഖലയിലെ ഉന്നതരുമായും ബന്ധമുണ്ടെന്ന് പോലീസ് കണ്ടെത്തിയിട്ടുണ്ട്. വിദേശത്ത് നിന്ന് എത്തിച്ച ഹൈബ്രിഡ് കഞ്ചാവ് യുവതി എറണാകുളത്ത് വിതരണം ചെയ്തിരുന്നു. ആലപ്പുഴയിലും വിതരണ സംവിധാനം ഉണ്ടാക്കിയതോടെ എക്സൈസിന്റെ പിടിവീഴുകയായിരുന്നു.
അതേസമയം തസ്ലിമാ സുല്ത്താന തന്നെ ഫോണില് വിളിച്ചിട്ടുണ്ടെന്നും എന്നാല് താന് ആരില് നിന്നും കഞ്ചാവ് വാങ്ങുകയോ വില്ക്കുകയോ ചെയ്തിട്ടില്ലെന്നും ശ്രീനാഥ് ഭാസി നേരത്തെ പ്രതികരിച്ചിരുന്നു. തസ്ലിമാ സുല്ത്താന തന്നെ വിളിച്ചിരുന്നു, എന്നാൽ ക്രിസ്റ്റീന എന്ന പേരില് ആരാധികയാണെന്ന് പറഞ്ഞാണ് വിളിച്ചത്. സംഭാഷണത്തിനിടയില് കഞ്ചാവ് വേണോയെന്ന് ചോദിച്ചു. കളിയാക്കുന്നതാണെന്ന് കരുതി കോള് കട്ട് ചെയ്യുകയായിരുന്നുവെന്നും നടൻ പറഞ്ഞു.
