തൃശ്ശൂർ : സംസ്ഥാന സ്കൂൾ കലോത്സവം പ്രധാന വേദിയായ തേക്കിൻകാട് മൈതാനംൽ പ്രത്യേക തീവ്ര വോട്ടർപട്ടിക പുതുക്കൽ (SIR) ഹെൽപ് ഡെസ്കും എൻറോൾമെന്റ് ക്യാമ്പും പ്രവർത്തനം ആരംഭിച്ചു. ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടറുടെ മേൽനോട്ടത്തിലാണ് സംവിധാനം ഒരുക്കിയത്.

കലോത്സവ വേദിയിലെത്തുന്ന വിദ്യാർത്ഥികളിലും പൊതുജനങ്ങളിലും തിരഞ്ഞെടുപ്പ് അവബോധം ഉയർത്തുകയും എസ്‌ഐആർ സംബന്ധിച്ച സംശയങ്ങൾ പരിഹരിക്കുകയുമാണ് ലക്ഷ്യം. പുതിയ വോട്ടർമാർക്ക് വോട്ടർപട്ടികയിൽ പേര് ചേർക്കുന്നതിനുള്ള സൗകര്യവും ക്യാമ്പിലൂടെ ലഭ്യമാണ്.

വിദ്യാർത്ഥികളും പൊതുജനങ്ങളും മികച്ച പ്രതികരണമാണ് നൽകുന്നതെന്ന് അധികൃതർ അറിയിച്ചു. കലോത്സവം കാണാനെത്തുന്ന എല്ലാവരും ഈ സൗകര്യം പ്രയോജനപ്പെടുത്തണമെന്ന് അഭ്യർത്ഥിച്ചു.