തൃശ്ശൂർ: സ്പന്ദനം വടക്കാഞ്ചേരിയുടെ 11-ാമത് രാജ്യാന്തര ചലച്ചിത്രോത്സവം വടക്കാഞ്ചേരി താളം തിയ്യറ്ററിൽ ആരംഭിച്ചു. സേവിയർ ചിറ്റലപ്പിള്ളി എം.എൽ.എ ഉദ്ഘാടനം നിർവഹിച്ചു. സ്പന്ദനം പ്രസിഡന്റ് സി.ഒ. ദേവസി അധ്യക്ഷത വഹിച്ചു.

വടക്കാഞ്ചേരി നഗരസഭാ ചെയർപേഴ്സൺ മിനി അരവിന്ദൻ മുഖ്യാതിഥിയായി. വൈസ് ചെയർമാൻ പി.എൻ. സുരേന്ദ്രൻ, സ്റ്റാൻഡിംഗ് കമ്മിറ്റി ചെയർമാൻ കെ.പി. മധനൻ, സംവിധായകൻ രാമദാസ് കടവല്ലൂർ, സ്പന്ദനം സെക്രട്ടറി സുഭാഷ് പുഴക്കൽ, ട്രഷറർ ജോർജ് മാസ്റ്റർ എന്നിവർ സംസാരിച്ചു. ജനുവരി 19, 20, 21 തീയതികളിലാണ് മേള. രാവിലെ 9.30, ഉച്ചയ്ക്ക് 12.30, 3, വൈകിട്ട് 6.30, രാത്രി 9 എന്നീ സമയങ്ങളിലാണ് പ്രദർശനങ്ങൾ നടക്കുക.