ന്യൂഡല്ഹി: ജമ്മു കശ്മീരിലെ പഹല്ഗാമില് നടന്ന ഭീകരാക്രമണത്തെ അപലപിച്ച് സുപ്രീംകോടതി. നീചവും മനുഷ്യത്വരഹിതവുമായ ആക്രമണമാണാണ് ആക്രമണത്തെ സുപ്രീംകോടതി വിശേഷിപ്പിച്ചത്. ഫുള്കോര്ട്ട് യോഗം വിളിച്ച് സുപ്രീംകോടതി പ്രമേയം പാസാക്കി. രാജ്യത്ത് മുന്പ് നടന്ന ഭീകരാക്രമണങ്ങളിലൊന്നും സുപ്രീംകോടതി ഈ നിലയിലുള്ള നിലപാട് സ്വീകരിച്ചിരുന്നില്ല.
ഭീകരാക്രമണത്തില് കൊല്ലപ്പെട്ടവര്ക്ക് ആദരാഞ്ജലി അര്പ്പിച്ച സുപ്രീംകോടതി മൗനം ആചരിച്ചു. 28 പേരുടെ ജീവന് കവര്ന്ന ഭീകരാക്രമണം നടന്ന് തൊട്ടടുത്ത ദിവസമാണ് സുപ്രീംകോടതി പ്രമേയം പാസാക്കിയിരിക്കുന്നത്. ഭീകരര് അഴിച്ചുവിട്ടത് ക്രൂരമായ ആക്രമണമാണെന്നും സുപ്രീംകോടതി വിലയിരുത്തി.
