ന്യൂഡല്ഹി: പോക്സോ കേസില് കൂട്ടിക്കല് ജയചന്ദ്രന് മുന്കൂര് ജാമ്യം അനുവദിച്ച് സുപ്രീം കോടതി. കോഴിക്കോട് കസബ പൊലീസ് രജിസ്റ്റര് ചെയ്ത കേസിലാണ് ജാമ്യം അനുവദിച്ചിരിക്കുന്നത്. അന്വേഷണം നടക്കുന്ന സാഹചര്യത്തിൽ ആയതിനാൽ തന്നെ മറ്റ് നിരീക്ഷണങ്ങള് നടത്തുന്നില്ലെന്ന് കോടതി പറഞ്ഞു.
അറസ്റ്റ് ചെയ്താല് 25,000 രൂപയുടെ ആള്ജാമ്യത്തില് വിടണമെന്ന് ജാമ്യ വ്യവസ്ഥ. കഴിഞ്ഞവര്ഷം ജൂണില് നാലു വയസ്സുള്ള കുട്ടിയെ പീഡിപ്പിച്ചു എന്ന് കാണിച്ച് കുട്ടിയുടെ അമ്മ നല്കിയ പരാതിയിലാണ് കേസെടുത്തിരിക്കുന്നത്. നേരത്തെ ഹൈക്കോടതിയില് നടന് മുന്കൂര് ജാമ്യാപേക്ഷ നല്കിയിരുന്നെങ്കിലും കോടതി അത് തള്ളിയിരുന്നു. തുടർന്നാണ് സുപ്രീം കോടതിയെ സമീപിച്ചത്.
