പൻവേൽ: പൻവേലിലെ അംഗൻവാടിയിൽ പെൺകുഞ്ഞിനെ ജീവനക്കാരി ക്രൂരമായി ആക്രമിച്ചതായി പരാതി. കുട്ടിയെ നെഞ്ചിൽ ചവിട്ടി നിലത്തിട്ട ദൃശ്യങ്ങൾ പുറത്തുവന്നതോടെ വലിയ പ്രതിഷേധമാണ് ഉയർന്നിരിക്കുന്നത്. നന്ദഗാവ് ഗ്രാമത്തിലെ അംഗൻവാടിയിലാണ് സംഭവം നടന്നത്. അംഗൻവാടി കെട്ടിടത്തിന്റെ പടിയിൽ ഇരുന്ന കുട്ടിയെ ജീവനക്കാരി ചവിട്ടി താഴെയിട്ടതായാണ് വീഡിയോയിൽ കാണുന്നത്. ചവിട്ടേറ്റ് വീണ കുട്ടിയെ പിന്നീട് മറ്റൊരു ജീവനക്കാരി എഴുന്നേൽപ്പിക്കുന്നതും ദൃശ്യങ്ങളിലുണ്ട്. സംഭവം നടന്നപ്പോൾ സമീപത്തുണ്ടായിരുന്ന മറ്റൊരു കുട്ടി ഭയന്ന് കരയുന്നതും വീഡിയോയിൽ വ്യക്തമാണ്. ഈ ദൃശ്യങ്ങൾ ഒരാൾ മൊബൈൽ ഫോണിൽ പകർത്തിയതോടെ […]