കൊല്ലം: മുഖ്യമന്ത്രി വി.ഡി. സതീശന്റെ ചാർട്ടേഡ് വിമാനയാത്ര, മന്ത്രി കെ.എം. ഷാജിയുടെ റേഞ്ച് റോവർ യാത്ര, മന്ത്രിമാരുടെ വിദേശയാത്ര തുടങ്ങിയ വിഷയങ്ങളിൽ കോൺഗ്രസിനുള്ളിൽ പരസ്യ വിമർശനം. കരുനാഗപ്പള്ളി എംഎൽഎ സി.ആർ. മഹേഷാണ് നേതൃത്വത്തിനെതിരെ വിമർശനവുമായി രംഗത്തെത്തിയത്. ഉത്തരവാദപ്പെട്ട പദവികളിൽ ഇരിക്കുന്നവർ മറ്റുള്ളവരിൽനിന്ന് സൗജന്യങ്ങളും ആഡംബര സൗകര്യങ്ങളും സ്വീകരിക്കുന്നത് ഒഴിവാക്കണമെന്ന് സി.ആർ. മഹേഷ് പറഞ്ഞു. ആഡംബര വാഹനങ്ങൾ ഉപയോഗിക്കുന്നത് സാധാരണക്കാർക്ക് ഉൾക്കൊള്ളാനാകാത്ത കാര്യമാണ്. ഇതിൽ പൊതുജനങ്ങൾക്ക് പ്രതിഷേധമുണ്ടാകുമെന്നും അദ്ദേഹം വ്യക്തമാക്കി. സുഹൃത്തുക്കളുടെ സഹായം സ്വീകരിക്കുന്നതിൽ തെറ്റില്ലെങ്കിലും അതിന് പരിധിയുണ്ടാകണം. […]