കൊച്ചി: നടി ലക്ഷ്മിപ്രിയക്കെതിരായ പരാതിയിൽ അൻസിബ ഹസൻ നേരിട്ട് കോടതിയിൽ ഹാജരാകണമെന്ന് എറണാകുളം മജിസ്ട്രേറ്റ് കോടതി ഉത്തരവിട്ടു. പരാതിയുമായി ബന്ധപ്പെട്ട് മൊഴിയെടുക്കുന്നതിനായാണ് അൻസിബ ഹാജരാകേണ്ടത്. ലക്ഷ്മിപ്രിയ തന്റെ യൂട്യൂബ് ചാനലിലൂടെ അപമാനിച്ചെന്നാരോപിച്ചാണ് അൻസിബ പരാതി നൽകിയത്. എന്നാൽ പരാതിയിൽ കേസെടുക്കാൻ കഴിയില്ലെന്ന നിലപാടാണ് പാലാരിവട്ടം പൊലീസ് സ്വീകരിച്ചത്. ഇതിന് പിന്നാലെയാണ് അൻസിബ കോടതിയെ സമീപിച്ചത്. പരാതിയിൽ തുടർനടപടികൾക്കായാണ് കോടതി മൊഴി രേഖപ്പെടുത്താൻ നിർദേശം നൽകിയത്. കേസുമായി ബന്ധപ്പെട്ട മറ്റ് നടപടികൾ മൊഴിയുടെ അടിസ്ഥാനത്തിൽ തീരുമാനിക്കും.