ആറ്റിങ്ങലില് കെഎസ്ആര്ടിസി സ്വിഫ്റ്റ് ബസിന് തീപിടിച്ചു
തിരുവനന്തപുരം: ആറ്റിങ്ങലില് കെഎസ്ആര്ടിസി സ്വിഫ്റ്റ് ബസിന് തീപിടിച്ചു. കണ്ണൂരില്നിന്ന് തിരുവനന്തപുരത്തേക്കു പോവുകയായിരുന്ന ബസാണു ഭാഗികമായി കത്തി നശിച്ചത്. ഇന്നു രാവിലെ ആറിനായിരുന്നു സംഭവം. ബസിന്റെ പുറകിലെ ടയറിനാണു തീപിടിച്ചത്. പുക വരുന്നതു കണ്ടതോടെ ഡ്രൈവര് ബസ് നിര്ത്തി യാത്രക്കാരെ പുറത്തിറക്കുകയായിരുന്നു. 36 യാത്രക്കാരായിരുന്നു ബസിലുണ്ടായിരുന്നത്. ആറ്റിങ്ങലില് നിന്നെത്തിയ ഫയര് ആന്ഡ് റെസ്ക്യൂ ടീമിന്റെ നേതൃത്വത്തില് അരമണിക്കൂറോളം നീണ്ട് പരിശ്രമത്തിനൊടുവിലാണ് തീയണക്കാനായത്്. ആളപായമില്ല.
Read more
