തിരുവനന്തപുരം: കൈലാത്ത്കോണം എൽപിഎസ് ജംഗ്ഷൻ പൗരാവലി സംഘടിപ്പിച്ച ഓണാഘോഷത്തിന് നേരെ ഗുണ്ടാ ആക്രമണം. ആക്രമണത്തിൽ നാലുപേർക്ക് പരിക്കേറ്റു. പരിക്കേറ്റവരിൽ ഒരാളുടെ നില ഗുരുതരമാണെന്നാണ് വിവരം. അക്രമിസംഘം ഒമ്പത് ബൈക്കുകളും രണ്ട് കാറുകളും പൂർണമായും തകർത്തു. കഴിഞ്ഞ ദിവസം രാത്രി എട്ടുമണിയോടെയാണ് സംഭവങ്ങളുടെ തുടക്കം. നാലംഗ സംഘം ഓണാഘോഷത്തിനിടെ പ്രശ്നമുണ്ടാക്കാൻ ശ്രമിച്ചെങ്കിലും കമ്മിറ്റി അംഗങ്ങൾ ഇടപെട്ട് ഇവരെ പിന്തിരിപ്പിച്ചു. എന്നാൽ രാത്രി 11 മണിയോടെ 40ഓളം പേരടങ്ങുന്ന സംഘമായി വീണ്ടും എത്തിയ അക്രമികൾ പ്രദേശത്ത് വ്യാപകമായി അക്രമം അഴിച്ചുവിടുകയായിരുന്നു. […]