കേരള തീരത്ത് ജൂൺ നാലിന് തെക്കുപടിഞ്ഞാറൻ മൺസൂൺ സാധാരണയെക്കാൾ മൂന്ന് ദിവസം വൈകിയാണ് എത്തിയത്. ഇപ്പോൾ മഴ വടക്കോട്ട് നീങ്ങുകയാണ്. എന്നാൽ മൺസൂണിനൊപ്പം ആശങ്കയുണ്ടാക്കുന്ന പുതിയ കാലാവസ്ഥാ പ്രവചനം പുറത്തുവന്നു. പസഫിക് സമുദ്രത്തിൽ രൂപംകൊള്ളുന്ന ‘എൽ നിനോ’ ഇതു വരെയുളള ഏറ്റവും ശക്തമായതാകാൻ സാധ്യതയുള്ളതായി റിപ്പോർട്ടുകൾ സൂചിപ്പിക്കുന്നു. ശാസ്ത്രലോകത്തിൽ ഇതിനെ ഗോഡ്സില്ല എൽ നിനോ എന്നും വിളിക്കുന്നു. നിലവിൽ സമുദ്രത്തിലെ ജല താപനില സാധാരണയെക്കാൾ 0.9 ഡിഗ്രി സെൽഷ്യസ് ഉയർന്നിരിക്കുകയാണ്. വരാനിരിക്കുന്ന സെപ്റ്റംബറോടെ ഇത് മുഴുവൻ ശക്തിയിൽ […]