ബെംഗളൂരു: കർണാടക കർവാറിലെ കോൺഗ്രസ് എംഎൽഎ സതീഷ് കൃഷ്ണ സെയിലിന്‍റെ വീട്ടിൽ എൻഫോഴ്‌സ്‌മെന്റ് ഡയറക്ടറേറ്റിന്റെ റെയ്ഡ്. കാർവാറിലെ വീട്ടിൽ ആണ് പരിശോധന നടത്തിയത്. എംഎൽഎ ബെംഗളൂരുവിൽ ആയിരുന്നപ്പോഴാണ് വീട്ടിൽ പരിശോധന നടത്തിയത്. ഷിരൂരിലെ മണ്ണിടിച്ചിലുമായി ബന്ധപ്പെട്ട് രക്ഷാപ്രവർത്തനത്തിന് നേതൃത്വം നൽകിയ സതീഷ് കൃഷ്ണ സെയിലിനെ മലയാളികൾക്ക് പരിചിതമാണ്. നേരത്തെ ഇരുമ്പയിര് അഴിമതിയുമായി ബന്ധപ്പെട്ട കേസിൽ സതീഷ് സെയിലിനെ കോടതി ശിക്ഷിച്ചിരുന്നു. 2024 ഒക്ടോബർ 26നാണ് എംഎൽഎമാർക്കും എംപിമാർക്കുമുള്ള കർണാടക പ്രത്യേക കോടതി ഏഴ് വർഷം തടവിന് ശിക്ഷിച്ചത്. […]