പൂനെ: പ്രതിശ്രുതവരനായ യുവാവിനെ യുവതിയും ആൺസുഹൃത്തും ചേർന്ന് കൊലപ്പെടുത്തിയ കേസിൽ ഒരാൾ കൂടി അറസ്റ്റിൽ. റിതേഷ് ഹാംഗെയെയാണ് വെള്ളിയാഴ്ച പൊലീസ് അറസ്റ്റ് ചെയ്തത്. കേസിലെ പ്രധാന പ്രതിയായ ചേതൻ ചൗധരിയുടെ സുഹൃത്താണ് റിതേഷ്. ജൂൺ 18നാണ് റിയൽ എസ്റ്റേറ്റ് വ്യവസായിയായ കേതൻ വിശാൽ അഗർവാളിനെ പ്രതിശ്രുത വധു സിയ ഗോയലും ആൺസുഹൃത്ത് ചേതൻ ചൗധരിയും ചേർന്ന് കൊലപ്പെടുത്തിയതെന്നാണ് പൊലീസ് കണ്ടെത്തൽ. കൊലപാതകത്തിന്റെ ഗൂഢാലോചനയിൽ റിതേഷിനും പങ്കുണ്ടായിരുന്നെന്ന് അന്വേഷണത്തിൽ വ്യക്തമായതായി പൂനെ റൂറൽ എസ്പി സന്ദീപ് ഗിൽ പറഞ്ഞു. […]