തെലങ്കാന: രാമന്തപൂരിൽ കൃഷ്ണ ജന്മാഷ്ടമി ഘോഷയാത്രയ്ക്കിടെ രഥം വൈദ്യുതി കമ്പിയിൽ തട്ടി അഞ്ച് മരണം. അപകടത്തിൽ നാല് പേർക്ക് പരിക്കേറ്റു. രാത്രി 12 മണിയോടെയാണ് രാമന്തപൂരിലെ ഗോകുൽനഗറിൽ കൃഷ്ണ ജന്മാഷ്ടമി ഘോഷയാത്രയ്ക്കിടെ അപകടം നടന്നത്. കൃഷ്ണയാദവ് (21), സുരേഷ് യാദവ് (34), ശ്രീകാന്ത് റെഡ്ഡി (35), രുദ്ര വികാസ് (39), രാജേന്ദ്ര റെഡി (45) എന്നിവരാണ് മരിച്ചത്. ഇവരുടെ മൃതദേഹം ഗാന്ധി ആശുപത്രിയിലേക്ക് മാറ്റി. പരിക്കേറ്റവരിൽ കേന്ദ്രമന്ത്രി കിഷൻ റെഡിയുടെ ഗൺമാൻ ശ്രീനിവാസും ഉൾപ്പെടുന്നുവെന്നാണ് റിപ്പോർട്ടുകൾ.