ജക്കാർത്ത: ഇൻഡൊനേഷ്യയിൽ യാത്രാക്കപ്പലിന് തീപിടിച്ച് അഞ്ച് പേർ മരിച്ചു. അപകടത്തിൽ 41 പേരെ കാണാതായതായി അധികൃതർ അറിയിച്ചു. ഏകദേശം 250 യാത്രക്കാരും ജീവനക്കാരുമായി സഞ്ചരിച്ചിരുന്ന കെഎംപി മുത്യാര സെൻസോസ-2 എന്ന ഫെറിക്കാണ് തീപിടിച്ചത്. മധുര ദ്വീപിന് സമീപം ഞായറാഴ്ച രാവിലെയാണ് അപകടമുണ്ടായത്. സുരബായയിലെ തഞ്ചുങ് പെരാക് തുറമുഖത്ത് നിന്ന് സുലവേസി ദ്വീപിലെ മകാസറിലേക്ക് പോകുന്നതിനിടെയാണ് കപ്പലിൽ തീപിടിത്തമുണ്ടായത്. യാത്ര ആരംഭിച്ച് ഏതാനും മണിക്കൂറുകൾക്ക് ശേഷം ക്യാപ്റ്റൻ അപകടവിവരം അധികൃതരെ അറിയിച്ചെങ്കിലും പിന്നീട് കപ്പലുമായുള്ള ബന്ധം നഷ്ടമായി. തീപിടിത്തത്തിൽ […]